હઝરત ઈમામ હસન અસ્કરી અલય્હિસ્સલામ

નોટ/કિસ્સો: ક્યારેક ઇન્સાન ઉપર તકલીફ આવે છે તો તે ફક્ત દેખાવ જોઈને ફરિયાદ કરે છે અને અપશબ્દ બોલી શકે છે, પરંતુ અંદરની હકીકત સમજતા નથી. અમુક વધુ દીનદાર લોકો આ મસ્લેહતને જાણતા હોય છે અને દરેક હાલતમાં અલ્લાહનો શુક્ર કરે છે.
એક કિસ્સો: એક વખત ત્રણ ચાર ભાઈ ફરવા માટે એક જગ્યાએ થી બીજી જગ્યાએ જાય છે અને રસ્તા માટે જમવાની વ્યવસ્થા પણ સાથે કરીને લઈને જાય છે રસ્તામાં જયારે ભૂખ લાગે છે તો એક જગ્યા ઉપર ગાડી રોકે છે અને જે ખોરાક સાથે લઈને આવ્યા હતા તેની પકાવાની તૈયારી કરવા લાગે છે અને પછી ચૂલામાં વસ્તુ મૂકીને નમાઝ પઢવા જાય છે અને જયારે નમાઝ પઢીને પાછા આવી રહ્યા હતા તો શું જોવે છે કે એક જાનવર તે તપેલીમાં પેશાબ કરી રહ્યું છે તો તે લોકો આ દ્રશ્ય જોઈને તે જાનવરને મારવા દોડે છે તે જાનવાર તો ભાગી જાય છે મગર આ લોકો ભૂખના લીધે તે જાનવરને અપશબ્દ બોલી બેઠે છે પછી જે થોડો ઘણો નાશતો સાથે લઈને આવ્યા હતા તેનાથી ગુજારો કરી અને પછી તે વાસણ ખાલી કરવા જાય છે તો શું જોવે છે તે વાસણની અંદર એક કાળો બિચ્છુ મરેલો પડ્યો છે, હવે તે લોકોને એ જાનવર ઉપર દયા આવી રહી હતી કેમકે હવે તેઓને અસલિયત ખબર પડી ગઈ હતી કે અગર આ જાનવર ન આવ્યું હોત અને તેની ઉપર પેશાબ ન કર્યુ હોત તો આપણે બધા આ ખોરાક ખાયને મરી ગયા હોત અને કુરઆને મજીદમાં પણ સૂરએ ઇન્શેરાહમાં કેહવામા આવ્યું છે કે બેશક સખતી પછી આસાની છે તો જે પણ વસ્તુ અલ્લાહ તરફથી હોય તેમાં સબ્રથી કામ લેવું જોઈએ અને અલ્લાહ ઉપર હમેશા ભરોસા રાખવો જોઈએ અને શૈતાનથી હંમેશા દૂર રેહવું જોઈએ.