હઝરત ઈમામ ઝૈનુલ આબેદિન અલય્હિસ્સલામ

હઝરત ઈમામ ઝૈનુલ આબેદીન અલય્હિસ્સલામ ફરમાવે છે: બેશક અલ્લાહ તઆલા શુક્રિયા અદા કરનાર બધાજ બંદાઓ ને દોસ્ત રાખે છે

પેટ નો હક
હઝરત ઈમામ ઝૈનુલ આબેદીન અલય્હિસ્સલામ ફરમાવે છે: તમારી માટે તમારા પેટ નો હક એ છે કે તેને હરામ ખાવા વાળું વાસણ ન બનાવો, હરામ, હરામ છે ચાહે તે ઓછું હોય કે વધારે હોય, હરામ થી બચીને રહો,

અને હલાલ ખોરાક માં પણ ન્યાય અને ઇન્સાફ થી કામ લ્યો અને ખાલી તાકાત અને કુદરત હાસિલ કરવા માટે ખોરાક લ્યો (એટલે નબળા ન પડી જાવ એ માટે ખોરાક લ્યો) અને કદી પણ ફૂલ પેટ ન ભરો કે તમારા ગળા સુધી ખાવાનું પોહચી જાય કેમકે ફૂલ પેટ ભરીને ખાવા થી સુસ્તી અને આણસ આવે છે અને તમને સારા અને નેક કામો થી દુર રાખે છે

અને એવીજ રીતે વધારે પડતું પ્રવાહી પણ ન લ્યો કેમકે વધારે પ્રવાહી લેવા થી અક્કલ ઓછી થાય છે અને જેહાલત આવે છે

હઝરત ઈમામ ઝૈનુલ આબેદીન અલય્હિસ્સલામ ફરમાવે છે: ગુનાહ કર્યા પછી તે ગુનાહ ઉપર ખુશ ન થાવ કારણકે ગુનાહ ઉપર ખુશ થવું ગુનાહ કરતા પણ વધારે મોટો ગુનોહ છે.

પાડોશી નો હક
હઝરત ઈમામ ઝૈનુલ આબેદીન અલય્હિસ્સલામ ફરમાવે છે: પાડોશી નો હક એ છે કે તેમની ગેર હાજરી માં તેમની આબરૂ અને ઈજ્જત રાખો અને તેની હાજરીમાં તેનો એહતેરામ કરો અને માન આપો,
જો તેમની ઉપર અત્યાચાર અને ઝુલ્મ થાય તો મદદ કરો, અને તેની બુરાઈ ની તપાસ માં ન રહો, અને જો તેની કોઈ બુરાઈ જોવો તો છુપાવો, અને જો તમને યકીન હોય કે એ તમારી વાત ને માનશે તો તેને સારી સિખામણ આપો, અને જયારે તેની ઝીંદગી માં પરેશાની આવે તો તેને એકલો ન મુકો (તેની પૂર્તિ મદદ કરો) તેની ભૂલો ને માફ કરો, અને તેની સાથે હળી મળી ને સરખી રીતે રહો.

હઝરત ઈમામ ઝૈનુલ આબેદીન અલય્હિસ્સલામ ફરમાવે છે: અય અલ્લાહના બંદાઓ! ધ્યાન રાખજો શીર્ક નહિ કરતા કેમકે શીર્કકરવા લોકોના આમાલને તોલવામાં નહિ આવે તેમનો કોઈ હિસાબ કિતાબ લેવામાં નહિ આવે તે બધાજ લોકોને એક સાથે જહન્નમમાં મોકલી દેવામાં આવશે, આમાલ તો એ લોકોના ટોલવામાં આવશે, હિસાબ કિતાબ તો એ લોકોનો કરવામાં આવશે જેઓ મુસલમાન છે.

નોટ: શીર્ક એટલે એક ખુદાની સાથે બીજા કોઈને ભાગીદાર સમજવું અથવા એક ખુદા કરતા વધારે ખુદા સમજવું

હઝરત ઈમામ ઝૈનુલ આબેદીન અલય્હિસ્સલામ ફરમાવે છે: ખોટું બોલવા થી બચો પછી ભલે તે નાનું એવું ખોટું હોય કે મોટું ખોટું હોય મજાક માં હોય કે ગંભીરતા માં હોય.

હઝરત ઈમામ ઝૈનુલ આબેદીન અલય્હિસ્સલામ ફરમાવે છે: જયારે કોઈ તાલિબે ઇલ્મ પોતાના ઘરે થી (ઇલ્મ હાસિલ કરવા માટે) બહાર નીકળે છે તો તેનો પગ જે જગ્યા ઉપર પડે છે એ જગ્યા કોરી હોય કે ભીની તે જગ્યા અને તેની નીચે જે સાત દરજા છે તે તેની માટે તસ્બીહ પઢે છે.